गनिमीकावा
संकटे बहु येतील,
हरणे तुला ठाव नाही..
कोंडीत सापडाया,
गड्या तू कुणाचा साव नाही..!!
भेटतील सरडे,
पदोपदी तुला रे..
कुंपणापलिकडे,
त्यांची धाव नाही..!!
पाठीत खंजीर खुपसाया,
टपलेत वैरी..
झेलू न शकशील तू,
असा घाव नाही..!!
तू चाल तुझ्या ऐटीत,
गाऊनिया गीत..
तुला जिंकणारा,
अद्याप डाव नाही..!!
स्वप्नांची व्हावी पूर्ती,
भरो सुखाची रांजणे..
नववर्षी यावे आकाशी,
सृजनाचे ते चांदणे..!!
अंधार मनीचा दूर व्हावा,
यावे माणुसकीने वागणे..
सौख्य नांदो मनोमनी
हेच आहे मागणे..!!
पेरले जरी कुणी,
वाटेवरती दाभणे..
जोडावी सदोदित माणसे,
व्हावी ही सुखाची साधने..!!
अपूर्ण हे पूर्ण व्हावे,
कुणा न पडो थांबणे..
गाठूनीया खिंडीत यावे,
असत्याला डांबणे..!!
रंगात रंग मिसळून जावा,
उजळावी सर्वांची जीवने..
आनंदाची गुढी उंचावूनी,
दारी डोलावी सुखाची तोरणे..!!
गनिमीकावा संकटे बहु येतील, हरणे तुला ठाव नाही.. कोंडीत सापडाया, गड्या तू कुणाचा साव नाही..!! भेटतील सरडे, पदोपदी तुला रे.. ...
